買屋記(1)

在美國買屋並非想象中容易,尤其在泡沫爆破但樓價卻沒有怎樣回落的L.A. San Gabriel Valley,原因很簡單:大陸錢!

別以為大陸佬只會去香港掃貨,更有能力的幹部其實已經進佔L.A.的華人區,open house的時候都不知見過幾多Benz房車的強國家庭.結果有錢區arcadia一間1500呎的house至少$600K起步!

當然買屋並非只是老婆和我二人的事,還要得到99和62的approval.99還是套用廿年前她的買屋經驗,以為有很多貨可以揀仲有得講價,但廿年前跟本沒有大陸佬跟她爭!還有現在有了互聯網,那裡有屋賣屋幾大賣幾多錢一上redfin就知,連相甚至virtual tour都有得睇,跟住還有zillow eappraisal homes.com幫你估其實值幾多錢,所以一有筍盤人人蜂湧而至,幾時輪得到我??

還有,這裡買屋不是先到先得的,基本上是個bidding process,首先要找agent幫你入紙,然後就等賣家還價,然後你又再還價,negotiate到雙方同意為止.當然,假如間屋"試正"價錢又合理就一定不只你一個入紙,結果可能演變成一場拍賣!有些屋就用這招,先列個超低賣價再等大陸佬來互相炒高!!

前戲講完,再來就說說我原本的目標:1300+呎3房2廁,$500K以下.因為暑假正式供完車,加上老婆找到工作,於是在4月便正式留意redfin和去open house,結果找了幾個月,終於找到了第一間心水屋!!